Awit ng Paghahangad

Charlie Cenzon, SJ

O Diyos, Ikaw ang laging hanap.

Loob ko'y Ikaw ang tanging hangad

Nauuhaw akong parang tigang na lupa

Sa tubig ng 'Yong pag-aaruga.

Ika'y pagmamasdan sa dakong banal,

Nang makita ko ang 'Yong pagkarangal.

Dadalangin akong nakataas aking kamay,

Magagalak na aawit ng papuring iaalay.

KORO:

Gunita ko'y Ikaw habang nahihimlay

Pagkat ang tulong Mo sa tuwina'y taglay

Sa lilim ng Iyong mga pakpak

Umaawit akong buong galak

Aking kaluluwa'y kumakapit sa 'Yo

Kaligtasa'y tiyak kung hawak Mo ako

Magdiriwang ang hari, ang D'yos, S'yang dahilan,

Ang sa Iyo ay nangako galak yaong makamtan 

CODA:

Umaawit, umaawit, umaawit akong buong galak.

Awit ng Pag-asam

Nathan Dublin

Tulad ng usang uhaw sa tubig ng batis.
ang aking kaluluwa sa 'Yo'y nananabik.
Sa Iyong dambana ako'y aawit, sasamba.
Tanging hangad ng buhay ko'y Ikaw, walang iba.

Koro:
Ikaw lang Panginoon, lakas ko't tanggulan.
Pusong tigib sa hirap, Ikaw ang tanging asam.

Ang pagod kong diwa ay Iyong pahupain.
Magdamag na pagtangis sana ay aliwin.
Masdan ang wangis kong hanap ang Iyong langit.
Bagabag na kalooba'y punan ng pag-ibig.

Tulad ng usang uhaw sa tubig ng batis.
ang aking kaluluwa sa Yo'y nananabik.
Sa Iyong dambana ako'y aawit, sasamba.
Tanging hangad ng buhay ko'y Ikaw, walang iba.
Tanging hangad ng buhay ko'y Ikaw, walang iba.