Halina, Lumapit sa Akin

Danny Isidro, SJ - Nemy Que, SJ

Kaibigan, tantuin mong isang paglalakbay ang buhay.
Sanga-sangang landas ay may kahirapan,
Kung ang lungkot o panganib sa yo'y
biglaang dumalaw.

O kung ikaw ay mapagod sa bigat ng 'yong pasan,
Panginoon ang balingan,Panginoon ang asahan.

Wika Niya'y halina, lumapit sa Akin,
Kayong mga napapagal Aking pagiginhawain.
Bigat ng inyong pasanin ay Aking pagagaangin.
Halina, kaibigan,lumapit sa Akin.

Kaibigan tantuin mong isang paglalayag ang buhay.
Maalon ang dagat at may kalaliman,
Kung may unos at may hanging 'di mo kayang labanan.

O sa gabing kadiliman ni tala ay walang tanglaw,
Panginoon ang balingan, Panginoon ang asahan.

Wika Niya'y halina lumapit sa Akin,
kayong mga napapagal Aking pagiginhawain.
Bigat ng inyong pasanin ay Aking pagagaangin.

Halina, kaibigan, lumapit sa Akin.

Gandang Sinauna at Sariwa

Manoling Francisco, SJ -Vic Baltazar, SJ
Jandi Arboleda - Norman Agatep

Kay tagal bago Kita minahal,
Gandang sinauna at sariwa.
Tapat Kang nanahan sa 'king kalooban,
Ngunit hinahanap pa rin kahit saan.

Kay tagal bago Kita minahal,
Gandang sinauna at sariwa.
Ako'y nagpabihag sa likha Mong tanan,
Di ko akalaing Ikaw pala'y nilisan.

Ako'y tinawagan mula sa katahimikan,
Pinukaw Mo ang aking pandinig,
Biglang luminaw ang awit ng daigdig.

Kay tagal bago Kita minahal,
Gandang sinauna at sariwa.
Tapat Kang nanahan sa 'king kalooban,
Ngunit hinahanap pa rin kahit saan.

Ako'y inilawan mula sa 'king kadiliman,
Minulat Mo aking mga mata,
Biglang luminaw tanglaw ko sa tuwina.

Kay tagal bago Kita minahal,
Gandang sinauna at sariwa.
Ako'y nagpabihag sa likha Mong tanan,
Di ko akalaing Ikaw pala'y nilisan.

Kay tagal bago Kita minahal,
Gandang sinauna at sariwa.
Akong nilikha Mo, uuwi rin sa 'Yo,
Ako'y papayapa lamang sa pilin Mo.