Humayo't Ihayag

Manoling Francisco, SJ - Louis Catalan, SJ - Johnn Go, SJ

Humayo't ihayag (Purihin Siya!)
At ating ibunyag (Awitan Siya!)
Pagliligtas ng Diyos na sa krus ni Hesus
Ang S'yang sa mundo'y tumubos!

Langit at lupa Siya'y papurihan!
Araw at tala Siya'y parangalan!
Ating 'pagdiwang pag-ibig ng Diyos sa tanan!
Aleluya!

At isigaw sa lahat, kalinga Niya'y wagas.
Kayong dukha't salat: pag-ibig Niya sa inyo ay tapat!

Halina't sumayaw buong bayan!
Lukso, sabay, sigaw sanlibutan!
Ang ngalan Niyang angkin 'sing ningning ng bitwin:
Liwanag ng Diyos, sumaatin!

Langit at lupa, Siya'y papurihan!
Araw at tala Siya'y parangalan!
Ating 'pagdiwang pag-ibig ng Diyos sa tanan! Sa tanan!
Ating 'pagdiwang pag-ibig ng Diyos sa tanan!
Aleluya!

Humayo Tayo

Crispulo Pangilinan - Eddie Hontiveros, SJ

Koro:
Humayo tayo't ating ipahayag: pagmamahal Niya, Diyos nating lahat.
Humayo tayo't ating ipahayag: ang Kanyang kadakilaa'y ating isiwalat,
Ang Kanyang kadakilaa'y ating isiwalat.

Sa lahat ng mga gawai't tungkulin, sa mga pagtahak sa bawat landasin.
Sa pangungulila at mga tiisin, ang D'yos ay kasama 'ya'y alalahanin.

Sa anumang balak na babalikatin, doon ay isama ang D'yos Ama natin,
At pagmamahalan ay pag-ibayuhin, upang lumigaya buong bayan natin.