Nang Buo Kong Buhay

Albert Alejo, SJ - Eddie Hontiveros, SJ

O Mahal na Puso, O loob ng Diyos,
Kapintig ng bayan ang Iyong tibok.
Puso ko'y pukawin, hanggang kumilos,
Magpasya't mangatawang ibigin ang Krus.

Koro:
At managot sa kapwa na mahal sa'Yo,
Nang buo kong buhay, nang buong kaluluwa,
Nang buo kong isip, nang buong lakas,
Kahit kamatayan aking malasap.

O Mahal na Puso, ng Butihing Diyos,
Batis ng pag-ibig, sa kapwang kapos,
Tao'y 'Yong hinanap nang 'Yong matubos.
Sana'y matularan Ka sa paglilingkod.

Naalala Mo

Arnel dC Aquino, SJ

Naalala mo, noong tumawag ka,
Noong wala nang maasahan
Masulingan man lang?
Ikaw ay nagbalik sa aking piling,
At panalangin mo sa'kin,
'Wag kang lisanin.

Naalala mo, n'ong susuko ka na,
noong pagsuyo Ko sa'Yo'y
Inakap mo na rin?
Maniniwala ka kaya na magmula noon,
Hindi na kita binitawan pa?

Counterpoint

Giliw kong Diyos ng buhay ko, yakap Mo na rin.
Maniniwala ka kaya"?, Na magmula noon.
Hindi na Kita binitiwan pa?
Maniniwala ka kaya?, Na magmula noon,
Hindi na Kita binitiwan pa?