Salve Regina (O santa Maria)

Eddie Hontiveros, SJ

O Santa Maria, O Reyna't Ina ng Awa, Ika'y aming buhay, pag-asa't katamisan.
Sa 'yo nga kami tumatawag, pinapanaw na 'nak ni Eva;
Sa 'yo rin kami tumatangis, dini sa lupang bayang kahapis-hapis.

Kaya't ilingon mo sa amin ang mga mata mong maawain,
At saka kung matapos aming pagpanaw, ipakita mo sa amin:
Ang iyong anak na si Hesus. O magiliw, maawain, matamis na Birheng Maria.

Saan Kami Tutungo

Ando Macalinao, SJ - Eddie Hontiveros, SJ

Saan kami tutungo, kaming makasalanan?
Saan kami susulong, dahas laging kapisan?
Ikaw, Hesus, ang susundan. Ikaw, Poon, ang hantungan.

Sino kayang uusig sa di makatarungan?
Sino kayang lulupig, sakim na umiiral?
Sa sinumang sa Diyos mulat, katarungang magbubuhat.

Kaloob Mong talino, atas Mo'y pagyamanin,
Sa pakikihamok, lagi naming gamitin.
Karahasa'y pipilitin, kamali-a'y tutuwirin.