Paghahandog

Rene San Andres

Ang himig Mo ang awit ko, lahat ng ito'y nagmula sa Iyo.

Muling ihahandog sa 'Yo, buong puso kong inaalay sa 'Yo.

Koro:

O D'yos, O Panginoon, lahat ay biyayang aming inampon.

Aming buhay at kakayahan,

Ito'y para lamang sa 'Yong kalwalhatian.

Ang tanging ninanais ko ay matamo lamang ang pag-ibig Mo.

Lahat ay iiwanan ko wala nang kailangan, sapat na ito.

Pagkakaibigan

Bong Abad-Santos, SJ - Charlie Cenzon, SJ

Ang sino man sa Aki'y mananahan,

Mananahan din Ako sa kanya.

At kung siya'y mamunga nang masagana,

S'ya sa Ama'y nagbigay ng karangalan.

Koro:

Mula ngayon kayo'y Aking kaibigan,

Hinango sa dilim at kababaan.

Ang kaibiga'y mag-aalay ng sarili niyang buhay,

Walang hihigit sa yaring pag-aalay.

Kung paanong mahal Ako ng Aking Ama,

Sa inyo'y Aking ipinadarama.

Sa pag-ibig Ko kayo sana ay manahan,

At bilin Ko sa inyo ay magmahalan.

Pinili ka't hinirang upang mahalin,

Nang mamunga't bunga mo'y panatilihin.

Humayo ka't mamunga nang masagana.
Kagalakang walang-hanggang ipamamana.