Pagtitipan

Rene Javellana, SJ - Eddie Hontiveros, SJ

Hesukristo, na naglingkod sa taong mahal, buong puso,
Ang sarili Mo’y inialay.
Aking buhay, pagpalai’t bihagin,
Upang Iyong alipin, manatili sa pag-ibig Mo.
Panginoon, munti ngang handog ko sa Iyo,
Sa tingin Mo, halaga ay higit sa ginto,
Sapagkat Diyos ko, tangi Mong hinahanap,
Sa pag-ibig magiging tapat ang puso ko.

Tinapay ng buhay

Getty Atienza - Silvino Borres Jr., SJ - Manoling Francisco, SJ

Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang hanggan

Basbasan ang buhay naming handog
Nawa'y matulad sa pag-aalay Mo
Buhay na laan nang lubos
Sa mundong sa pag-ibig ay kapos

Marapatin sa kapwa maging tinapay
Kagalakan sa nalulumbay
Katarungan sa naaapi
At kanlungan ng bayan Mong sawi
At pagsasalong walang hanggan.