Papuri

Jandi Arboleda - Chito Salazar - Norman Agatep

Itaas na ang mga mata,sa Panginoong lumikha
Ng mga lupa at tala, ng gabi at umaga.

Koro:
Itaas na sa Kanya mga himig at kanta
Tula't damdamin, mga awitin, lahat na ay ialay sa Kanya.

Kalikasa'y nangagpupugay, may mga huni pang sumasabay
Pagpupuri ang nadarama sa Diyos nating Ama.

Koda:
Isigaw sa iba ang papuri sa Diyos Ama
Lahat ng lugod at lahat ng saya ialay sa Kanya.

Wakas:
...sa Kanya. Ialay sa Kanya.

Panunumpa

Jboy Gonzales, SJ

Ikaw lamang ang pangakong mahalin,
Sa sumpang sa Iyo magpakailanpaman.
Yakapin Mo'ng bawat sandali,
Ang buhay kong sumpang sa 'Yo lamang alay,
At mapapawi ang takot sa 'kin.
Pangakong walang hanggan.

Ikaw lamang ang pangakong susundin.
Sa takbo sakdal, liwanagan ang daan.
Yakapin Mo'ng bawat sandali,
Ang buhay kong sumpang sa'Yo lamang alay.
At mapapawi ang takot sa 'kin.
'Pagkat taglay lakas Mong angkin.

Bridge:
Ikaw ang siyang pag-ibig ko,
Asahan Mo ang katapatan ko.
Kahit ang puso ko'y nalulumbay,
Mananatiling ikaw pa rin.

Ikaw lamang ang pangakong mahalin,
Sa sumpang sa Iyo magpakailanpaman.
Yakapin Mo'ng bawat sandali,
Ang buhay kong sumpang sa'Yo lamang alay,
At mapapawi ang takot sa 'kin.
Pangakong walang hanggan.

At mapapawi ang takot sa 'kin
'Pagkat taglay lakas Mong angkin.