Pintig ng Puso Ko

Luis Antonio Cardinal Tagle - Eddie Hontiveros, SJ

Musmos ka pa lamang, minahal na kita.
Mula sa kawalan, tinuring kang anak.
Sa bawat tawag Ko, ika'y lumalayo.
Hindi mo batid, Ako'y nabibigo.

Aking isasaysay, kung mararapatin, sa una mong hakbang, nang kita'y akayin
Binalabalan ka, matang masintahan, kinakandong kita, animo'y alipin.

Koda:
Pinagtabuyan mo Ako, pinagtulakan nang husto.
Maglaho ka sa harap Ko! Ngunit yaring pintig ng puso ko!

Matupok mang lahat sa buong daigdig, hindi magmamaliw ang Aking pag-ibig.
Panginoon Ako, at hindi alabok. Paano Ko kaya, ikaw malilimot?
Paano Ko kaya, ikaw malilimot?

Patnubay

Assunta Cuyegkeng - R. Caguioa - M. Sta. Maria  - C. La Vina


Ang Iyong patnubay, aking hiling,
Sa mga landas na tatahakin.
Imulat Mo aking mata, linawin Mo aking isip.
Buksan Mo aking puso sa pag-ibig na Iyong tinatangi.

Alam kong ako'y isda ring dapat hulihin.
Ngunit sa 'Yong liwanag, ako'y sisikat.
Mangingisda kung ibig Mo. Alay ko ang lahat sa 'Yo.