Purihi't Pasalamatan

Simplicio Esteban - Eddie Hontiveros, SJ

Koro:
Purihi't pasalamatan sa masayang awit.
Purihin natin at pasalamatan ang Diyos ng pag-ibig.

Sa 'Yo, Ama, salamat sa mayamang lupa't dagat,
At sa magandang kalikasan, at sa ating tanang buhay.

Salamat din kay Kristo: sa Kanyang halimbawa,
At sa buhay Niyang inialay, sa ating Kaligtasan.

At sa Espiritu Santo, salamat sa 'Yong tanglaw,
Na nagbibigay ng liwanag sa taong humahanap.

Purihin ang Panginoon

Danny Isidro, SJ - Fruto Ramirez, SJ

Koro:
Purihin ang Panginoon, umawit ng kagalakan,
At tugtugin ang gitara at ang kaaya-ayang lira,
Hipan ninyo ang trumpeta.

Sa ating pagkabagabag, sa D'yos tayo'y tumawag.
Sa ating mga kaaway, tayo ay Kanyang iniligtas.

Ang pasaning mabigat sa 'ting mga balikat.
Pinagaan ng lubusan ng D'yos na tagapagligtas.