Sa Iyong Pag-ibig

Natthan Dublin

Ako'y nananabik makapiling Ka sa bawat sandali.
Walang isang saglit, nanaising sa Iyo ay mawaglit.
Tangi kong dalangin, manatili,
Sa Iyong pag-ibig mamalagi.

Awitin ko'y hiling na ang 'Yong ngiti ang nais makamit.
At sana'y mabatid ang pagkabighani ng aking dibdib.
Kung hindi man sasapat ang paghimig,
Hayaang buhay ko'y sa 'Yo maiawit.

Ako'y yakapin Mo, h'wag Mong pahihintulutan malayo.
Poon pakinggan Mo ang sigaw ng pusong naakit sa 'Yo.
Sa hustong paggiliw Mo ay lingapin.
Nang sa bawat pagpintig ay hanapin.

O pag-alabin Mo, adhika ng puso'y pagningasin Mo.
Ako'y yakapin Mo, sa Iyong pag-ibig ay itago Mo.

Ako'y yakapin Mo.

Sa Hapag ng Panginoon

Koro:
Sa hapag ng Panginoon, buong bayan ngayo'y nagtitipon,
Upang pagsaluhan ang kaligtasan, handog ng diyos sa tanan.

Sa panahong tigang ang lupa, sa panahong ang ani'y sagana,
Sa panahon ng digmaan at kaguluhan, sa panahon ng kapayapaan.

Ang mga dakila't dukha, ng banal at makasalanan,
Ang bulag at lumpo, ang api at sugatan, ang lahat ay inaanyayahan.

Sa 'ming pagdadalamhati, sa 'ming pagbibigay-puri,
Anupamang pagtangis, hapo't pasakit, ang Pangalan Nya'y sinasambit.

Koda:
Upang pagsaluhan ang kaligtasan,
Handog ng diyos sa tanan.

Lui Moreno - Manoling Francisco, SJ