Tanggapin Ninyo

Nemy Que, SJ

Tanggapin ninyo ang Aking katawan,
Na ihahandog Ko para sa inyong lahat.
Sa ikapagpapatibay ng pagmamahal,
Gawin ninyo ito, sa pag-alala sa Akin.

Koro:
Maraming salamat, Panginoon, sa sariling handog Mo sa amin,
Hindi kami karapat-dapat na magpatuloy sa Iyo,
Ngunit sa isang salita Mo lamang ay gagaling na kami.

Tanggapin ninyo ang Kalis ng Aking Dugo,
Na Aking ibubuhos para sa inyong lahat.
Sa ikapagpapatawad ng kasalanan,
Gawin ninyo ito, sa pag-alala sa Akin.

Sumigaw sa Galak

Nemy Que, SJ

Koro:
Sumigaw sa galak! Umawit, umindak!
Purihin ang D'yos, purihin nang wagas!

Ang ginawa ng D'yos, lapit at pagmasdan,
Ang kahanga-hangang ginawa sa tanan:
Ibinulid Niya ang hari-harian; tayo'y hinango N'ya sa 'ting kaapihan;
Sa Kanyang pag-ibig tayo'y iningatan.

Lapit at makinig, aking isasaysay,
Ang Kanyang ginawang mga kabutihan:
Pinanghina tayo ng mga kaaway, ngunit ating daing Kanyang pinakinggan;
'Di tayo bumagsak, 'di pinabayaan.

Ako ay mag-aalay sa D'yos kong banal
Ng pangakong pag-ibig at katapatan.
Mga kasalanan ko'y 'di N'ya ininda, bagkus iniligtas pa 'ko sa kalaban.
Dininig, pinatawad at itinanghal!