Ama Kong Mahal

 Fr. Arnel Aquino, SJ

Koro:

Ang Panginoon ang kaligtasan ko

O, Ama, Ikaw ang aking ilaw magpakailanman

I

Walang ikatatakot ang aking buhay

Amang mapag-aruga ang aking takbuhan

Maging ang karimlan ma'y magbadya ng sindak

Kapiling ko ang Ama kong mahal

II

Ako ma'y pagtangkaan nilang ilayo sa Iyo

Pagbantaan man akong bihagi't hamakin

Ikaw ang magkakalas ng puso kong gapos

Kalasag ko ang Ama kong mahal

III

Ang 'Yong pananahan sa aba kong puso,

Mukha Mong maamo at tinig Mong kay tamis

Ay hanap-hanap ko saan man maghantong

Tahanan ko ang Ama kong mahal

Koda:

Ang Panginoon ang kaligtasan ko

Oh, Ama, Ikaw ang aking ilaw magpakailanman

Ang Panginoon ang kaligtasan ko

Oh, Ama, Ikaw ang aking ilaw magpakailanman

Sa Iyong Mga Yapak

Jose Cerino, Jr.

Samuel V. Guerrero

Landas na kay tinik sa Iyo’y inilaan,

bawat hakbang nito’y dusa't hirap ang laman

sa kalooban ng Ama, nagpasakop kang ganap Buhay Mo,
O Jesus ang siyang alay na sapat.

Laban sa agos ng mundo, lumakad ka sa landas Mo,

Laban sa lakad ng mundo, landas sa ‘ki’y nais Mo.

Nais Mo.

Sa Iyong mga yapak, ako ay tatahak

kahit tigib ng luha ang nilakaran mong landas.

Pasakit man at dusang dulot ng mundo’y kamtan

bawat bakas ng Iyong nga yapak,

bawat hakbang Mo’y aking susundan.

Kay hirap mang gawin kalooban Mo’y tupdin

pinili kong sundan bakas ng 'Yong mga hakbang.

Ang buhay ko’y laan sa Iyo kailan pa man

maglilingkod sa ‘Yo, Panginoon hanggang wakas.

Laban sa agos ng mundo lumakad ka sa landas Mo,

Laban sa lakad ng mundo, landas sa ‘ki’y nais Mo.

Nais mo.

Sa Iyong mga yapak ako ay tatahak

kahit tigib ng luha, ang nilakaran mong landas.

Pasakit man at dusang dulot ng mundo’y kamtan;

bawat bakas ng Iyong nga yapak,

bawat hakbang Mo’y aking susundan.

Sa Iyong mga yapak ako ay tatahak

kahit tigib ng luha ang nilakaran Mong landas.

Pasakit at dusang dulot ng mundo’y kamtan,

bawat bakas ng Iyong mga yapak,

bawat hakbang Mo’y aking susundan.