Bayan, Umawit

Silvino Borres, SJ - Vic Baltazar, SJ
Manoling Francisco SJ

Koro:
Bayan, umawit ng papuri
Sapagkat ngayon ika'y pinili
Iisang bayan, iisang lipi
Iisang Dyos, iisang hari
Bayan umawit ng papuri
Bayan umawit ng papuri.

Mula sa ilang ay tinawag ng D'yos.
Bayang lagalag, inangkin nang lubos.
'Pagkat kailanma'y 'di pababayaan,
Minahal N'yang kawan.

Panginoon ating Manliligtas,
Sa kagipitan, Siya'ng tanging lakas.
'Pagkat sumpa N'ya'y laging iingatan,
Minamahal N'yang Bayan.

Bayan Magsiawit na!

Arnel Aquino, SJ

Koro
Bayan, magsiawit na! Bayan, pinagpala ka!
Dakilang biyayang pangako Niya sumilay na!

Sinauna Mong hangarin ang tao nga'y tubusin.
Upang Siya ay makapiling, mapag-irog na Diyos natin.

Sa aba Niyang pagkatao, sa buhay Niya sa mundo.
Inihayag Kanyang puso, Tinig ng Ama nating Diyos.

Pananatili N'yang tunay, 'Spiritung ating,
Kahulugan at pag-asa, pagmamahal at biyaya!