Rev. Msgr. Simeon R. Reginio
1. Minamahal Mo ang lahat O Panginoon
Pagkat Ikaw ang Maylikha sa aming buhay
Di Mo kinamuhian ang lahat ng Iyong kinapal
Bagkus Mong ibinigay ang Bugtong Mong Anak
2. Nilingap Mo kaming abang makasalanan
Nilinis Mo ang kaluluwa at pinagyaman
Pinatawad Mo ang lahat sa kamatayan ng anak
Kaligtasa'y naganap na Iyong hinangad
3. Nadarama naming lahat o Panginoon
Pagibig Mo't pagmamahal laging dalisay
Sa dambana ng yong anak kalooban Mo'y nahayag
Pagsinta Mo ay wagas Kabanalang likas
No comments:
Post a Comment