Pagbabalik-Loob

Timoteo Jose M. Ofrasio, SJ

Eduardo P. Hontiveros, SJ

1. Masdan Mo O Diyos ang lingkod mo

na nagbabalik loob sa Iyo

Bagamat di marapat ay dumudulog Sa’yo

Upang makamtan ang awa Mo

Koro: 

Ang diwa ko’y naninimdim kung malayo Sa’yo

Ang puso ko'y namimighati kung mawalay Sa’yo

Kailan ko pa kaya matitikman ang awa Mo

Kailan tatamuhin ang patawad Mo

2. Kay tagal kong nalayo Sa’yo

At kay dami ng taong sinaktan ko

At ang siyang iniisip ko ay kaginhawahan ko

Pininid sa kapwa puso ko

3. Kaya nga O Diyos kalugdan Mo

Ang pagbabalik loob sa iyo

Diwa ko'y linisin Mo

Puso ko ay buksan Mo

Upang matugunan tawag Mo