Nagahalad Kami

Nagahalad kami, kanimo Ginoo

Ning santos nga Misa, santos nga sakripisyo

Ang among kasingkasing, ang among kinabuhi

Ug ang mga kalipay ug mga kasakit gihalad karon

Ikaw among halaran, ikaw among awitan

Saloma sa pagdayeg sa imong kagahuman

Ang imong paghigugma ang among gilauman

Nga magdala kanamo

sa tunhay’ng kalipay sa kalangitan

Koro:

Wala kami’y mahimo kong wala ikaw

Ang among panlimbasug kalit lang mahanaw

Ayaw kami’g pasagdi mahigugmao’ng Ginoo

Ang among mga gasa dawata’g mahala

Ug ang tanang katawhan dad-a sa gingharian

Aron tanan’g binuhat may kahiusahan

Nars Fernandez

Dinhi sa among Yuta (Salmo 8)

Dinhi sa among yuta dungganan ka O Diyos

Ug ang tanang kalibutan midayg kanimo.

Ibabaw sa kalangitan gidayeg ka,

gihatagan mo'g pulong ang gamay'ng kabataan nga makapahilum sa mga manlilibak mo

Kun masud-ong ko ang buwan ug mga bitoon ug ang kalangitan nga gihan-ay mo

Makapangutana ako kon kinsa ba ang tawo, kinsa siya nga ikaw manumbaling man Kaniya

Gihimo mo siya'ng ubos ug diutay sa mga angheles

Gipurong purongan mo siya sa dungog ug pagdayeg.

Gihimo mo ang tanang butang, kahayopan, kalanggaman, ug kaisdaan, aron sila mag-alagad kaniya

Msgr. Rudy Villanueva